رشائق الإبداع الثقافية

كتبت جهاد نوار وجوه مشرقة اليوم أتحدث عن شاعرة مصرية، معنا من الإسكندرية، عاصمة الجمال،الشاعرة رودى فاروق، بدأت الكتابة فى السادسة عشر من عمرها بالدارجة المصرية.هى من طراز خاص لها أسلوب سلس، و بسيط،لكنه عميق المحتوى،بمفرداته الراقية، تكتب من خلال واقعها المحيط. سواء عما يختلج بنفسها،و وجدانها المفعم بالشجن، لها الكثير من النصوص الفلسفية، التى تحمل فى طياتها حكمة الإنسان الواقف على مجريات الأمور. تتلون موضوعاتها بين مخاطبة النفس،و لومها،أو العتاب الرقيق أحيانا،لا يخلو من أبياتها لمحة حزن،و قسوة الزمان،التى كثيرا ما تعطيها بريقا عند التغنى بكلماتها. حين تقول أسامح مين،فيه ناس خانت و باعت و ناس ظالمين،و كذلك حين تعاتب الحبيب برقة،أو تنصح الإنسان فتقول قصيدة انت الجانى: يا اللى غواك الشيطان  ونسيت انك انسان  تقتل وتقول ندمان  تجرح وتقول زعلان  زعلان على نفسك ولا على اللي راح  ندمان وكان نفسك تسمع كلمة سماح ومن قصيدة  انت اللى اخترت السكه اللى مافيش منها رجوع انت اللى اخترت تكون نهايتنا الام ودموع ازاى تعاتبنى و تلومنى وانا الموجوع ده انت اللى ظالمنى وكان قلبى ف...

اللى مابيسالش عنى عايزنى اسال عليه  ده اللى كان حته منى  يا ناس قولوا لى أعمل له ايه  يا اخوانا حد يفهمه  يقول له حاجة يعلمه  مش كل مرة يتقل عليا  و اروح لحده و اكلمه  قولوا له خِف العشم شوية  حبة عليه وحبة عليا  و لا عشان قلبى حنين  يقوم يزيد و يجيبها فيا  ما قدرش أدارى معزته  قلبى ضعيف من نحيته  و هو عارف كمان و شايف  لكن بيتقل حضرته  و عشان حنين و قلبى طيب  بقلق عليه لو مرة غييب  و ارجع و اقول الصبر طيب  مسيرنا نتقابل قُريب  و أرد كل اللى عمله فيا  قولوا له خف العشم شويه  حبة عليه و حبة عليا  و لا عشان ما انا قلبى طيب  يقوم يزيد ويجيبها فيا